ਪਿੰਕੀ ਤੇ ਬਲਾਤਕਾਰ ਦਾ ਦੋਸ਼ ਲਾਉਣ ਲਈ 6 ਲੱਖ ਮਿਲੇ—ਅਨਾਮਿਕਾ

ਸੋਨ ਤਮਗੇ ਜਿਤਣ ਵਾਲੀ ਐਥਲੀਟ ਪਿੰਕੀ ਪ੍ਰਮਾਣਿਕ ਵਿਰੁਧ ਬਲਾਤਕਾਰ ਦੀ ਸ਼ਿਕਾਇਤ ਦਰਜ ਕਰਵਾਉਣ ਲਈ 6 ਲੱਖ ਰੁਪਏ ਮਿਲੇ ਸਨ। ਇਹ ਸਨਸਨੀਖੇਜ ਬਿਆਨ ਬਲਾਤਕਾਰ ਦਾ ਦੋਸ਼ ਲਾਉਣ ਵਾਲੀ ਮੁਟਿਆਰ ਅਨਾਮਿਕਾ ਅਚਾਰੀਆ ਨੇ ਦਿਤਾ ਹੈ। ਪੁਲਿਸ ਪੁੱਛਗਿਛ ਦੋਰਾਨ ਉਸਨੇ ਮੰਨਿਆ ਕਿ ਜਯੋਤਿਰਮੋਯੀ ਸਿਕਦਾਰ ਦੇ ਪਤੀ ਅਵਤਾਰ ਦੇ ਕਹਿਣ ਤੇ ਉਸਨੇ ਦੋਸ਼ ਲਾਇਆ ਅਤੇ ਜਿਹੜੀ ਸ਼ਿਕਾਇਤ ਦਰਜ ਕੀਤੀ ਗਈ ਸੀ ਉਹ ਵੀ ਅਵਤਾਰ ਨੇ ਦਿਤੀ ਸੀ। ਇਹ ਵੀ ਕਿਹਾ ਗਿਆ ਸੀ ਕਿ ਜੇਕਰਉਸਦਾ ਨਾਮ ਸਾਮਨੇ ਨਹੀਂ ਆਇਆ ਤਾਂ ਹੋਰ ਚਾਰ ਲੱਖ ਰੁਪਏ ਵੀ ਮਿਲਣਗੇ, ਇਸਤਰਾਂ 10 ਲੱਖ ਰੁਪਏ ਦੇ ਲਾਲਚ ਚ ਬਲਾਤਕਾਰ ਦੀ ਸਿਕਾਇਤ ਕੀਤੀ। ਉਸਨੇ ਦੋਸ਼ ਲਾਇਆ ਹੈ ਕਿ ਪਿੰਕੀ ਦੇ ਨੰਗੇ ਐਮਐਮਐਸ ਵੀ ਅਵਤਾਰ ਨੇ ਹੀ ਲੋਕਾਂ ਨੂੰ ਭੇਜੇ ਸਨ। ਪੁਲਿਸ ਕਮਿਸ਼ਨਰ ਨੇ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿਤੇ ਹਨ ਅਤੇ ਅਵਤਾਰ ਤੋਂ ਪੁੱਛਗਿਛ ਕਰਨ ਲਈ ਕਿਹਾ ਹੈ।
ਇਧਰ ਅਨਾਮਿਕਾ ਨੇ ਪਿੰਕੀ ਦੇ ਤੇਘਰਿਆ ਦੇ ਫਲੈਟ ਚ ਆਪਣੇ ਗਹਿਣੇ ਵਾਪਸ ਲੈਣ ਲਈ ਸਰਚ ਵਾਰੰਟ ਦੀ ਮੰਗ ਕੀਤੀ ਹੈ। ਬਾਰਾਸਾਤ ਅਦਾਲਤ ਨੇ 20 ਜੁਲਾਈ ਮਾਮਲੇ ਦੀ ਸੁਣਵਾਈ ਕਰਨ ਦਾ ਫੈਸਲਾ ਕੀਤਾ ਹੈ।